قصة حياة انسان فى 120 سؤال

بسم الله الرحمن الرحيم
**********
هذا الموضوع بذلت فيه مجهود كبير لكي أجعله بهذه الصورة
وهو عبارة عن حوار بيني وبين إنسان مجهول
وتدور فكرة الحوار فى حوالي
120 سؤال قصة حياة إنسان
إذاً هيا بنا نستمتع بهذا الحوار وأتمنى الإعجاب به
**********
الاسم
جمال
العمر
21 وزيادة كمان
الدراسة
مش فى الحسبان
المعيشة
على قد الحال
المهنة
شاعر ورسام
الأساسية
شغل المعمار
وضح
وناش طوب ورمال
هى صعبة
طبعاً ومرهقة للعظام
طب بطلها
ممكن أبطلها بس مش عايز من حد إحسان
الشعر
سحر فى عالم الكلام
الرسم
محتاج فن وإتقان
بتدخن
ياااااااااه من زمان
من امتى
وأنا سنى 11 عام
ممكن تبطل
ممكن بس أنا وصلت لمرحلة الإدمان
الخوف
معرفوش لأني مش جبان
مشاغب
ابقى فى قمة الرزالة لو حد طول اللسان
طيب اهدى
أنا هادي بس شوية قلقان
من ايه
مش عارف بس هو ملازمنى بقالو أيام
وضح
الصراحة عايش حياتي فى حرمان
حرمان ايه
من أمي مصدر الحنان
هى متوفية
أيوة وساكنة فى جنان رضوان
طيب انسى
ياريت قلبى يعرف معنى النسيان
طيب انسى يا رسام
هههه ده حتى الرسم محتاج فن وإتقان
يعنى ايه
يعنى ممكن أنسى بس قلبى ينسى الأحزان
الخطوبة
عملية محتاجة خطوة لقدام
الشبكة
ههههه عملية محتاج إدخار
الجواز
ده موضوع عايز اهتمام
المشاعر
تملى بحب الخير لأي إنسان
القلب
تملى يبوح بس بيخبى بعض الكلام
العشق
لما بعشق ببقى فنان
الصاحب
صاحبي اتقلو بالمال
الندل
اسيبو قوام
الخاين
على أول محطة أقول له سلام
السعادة
لما آكلها بالحلال
الندم
لو مشيت فى الحرام
أبوك
مات وسبنى وحيد
وأخواتك
أختي لبيتها وأخويا مسافر بعيد
قرايبك
ياريت يتحط فى ايديهم الحديد
ليه
علشان شغلتهم التنفيض
أنت زعلان
لا أنا مليت
من قرايبك
أيوة ومن كل المرار اللي بيزيد
الكبرياء
عندي ملوش أساس
أنت بتحب
بحب الخير للناس
وحبك أنت
إنسانة جوهرها كالماس
هى بتحبك
العملية بالإحساس
يعنى ايه
يعنى مقدرش أحكم على الناس
طب لو بتكرهك
ممكن ساعتها أكتب شهادة وفاتى
للدرجة دي
طبعا ما هى عندي حياتى
الحلم
بحلم أحقق ذاتي
ليه
علشان أحقق أمنياتي
الأمنية
إني هي تبقى مراتي
الخوف
ههههه طبعا من حماتى
طيب الانتظار
نوع من أنواع الملل
الإجابة
أفضل تكون نعم
طب والحياة
طبعا نغم
الدموع
أتمنى تكون عدم
الضياع
نوع من أنواع الألم
السكوت
لو سكت ابقى صنم
طب والظلم
لو ظلمت ابقى فى قمة الندم
الموت
أساسه مبنى على الشجن
الكلام
طبعا لازم يكون حكم
الدعاء
بدعي للى انظلم
النداء
بنادى دايما على القمر
الجواب
محتاج ليه ورقة وقلم
السرحان
بيخدنى دايما للسهر
طب أجمل أغنية
مفيش كلام شنطة سفر
الوحدة
للأسف كانت ليَّ القدر
الحيرة
إني مصلحش اللى انكسر
الجمال
موجود بس محتاج نظر
السحاب
ههههه بصراحة بخاف من المطر
الشمس
جميلة بس تعمى البصر
جمال أنت فقير
ابقى فقير لو ممعيش فلوس
ليه أنت غني
ده الغنى اللى على الفقير بيدوس
امال أنت ايه
هههه أنا إنسان منحوس
ليه
الوحدة معيشانى فى كبوس
طب أطلع منها
ما قلت ليكِ إني منحوس
طب والحرية
تستاهل أضحى من أجلها
يعنى هتحاول
هحاول لأني بجد انحرمت منها
الإخلاص
دي حاجة أنا بعزها
الطبيعة
مبتكرة وبقدر فنها
الوردة
مش قد كده بحبها
طيب ليه
علشان مفتقد بعض الإحساس بها
شكل المرأة
هههه جميلة وهى مسيبه شعرها
بس كده
لا بصرف النظر عن رشاقة جسمها
طيب وحبيبتك
آه الكلام فى قلبي وشايلو لها
ممكن توصفها
صعب إنى أقدر أوصف شكلها
دنتا بقى عاشق
طبعا عاشق ضحكتها الجميلة اللى زيها
الوعد
إنى مش ممكن أقول اسمها
الذنب
لو اتكلمت أكتر من كده عنها
الرسالة
بحملها للناس كلها
هى ايه
إني يقولها إني أنا بحبها
المهم
حبيبتى تحس بيَّ
والأهم
تفضل تخاف عليَّ
المستحيل
أنسى كلامها ليَّ
الحقيقة
طبعا قدام عنيا
هى ايه
الزمن ده زمن غدر وقسية
الخيال
إنه يبقى زمن التضحية
القلم
أقرب صديق يحس بلى فيَّ
الكأس
ينسى همي ولو شوية
القبر
لما بشوفه بحس بالموت
الأمل
هههه ساعتها طريقه مسدود
طيب والنجاة
متر فى متر وليه حدود
طيب والعمل
ساعتها هعيش فى سكوت
ليه كده
علشان حياتى آخرتها تابوت
أنت عايش
لا أنا موجود
طيب وحياتك
أكيد بكرة مسيرها تعود
ليه هى غايبة
بعتبرها فى بطن حوت
تعبان
تملى الآه على لسانى
مرض
لا دى مشاعر فى وجداني
أعراض المرض
لما بشوف جرح وظلم وإنسان أناني
التفكير
ملازمنى فى أحلامى
الصوت العالى
أتمنى أبطله ويبقى فانى
الغضب
ليه تأثير على كيانى
عتاب
لما بعاتب بعتبر إنى انا الجانى
طيب ليه
ههههه بقول إنى ده عمل إنسانى
الصرخة
إنى اشتكى من أحزانى
البكاء
لو افتكرت جرح ماضي
العيلة
ممكن بردو ينفضولى فى آخر ايامى
إقرار
أقر أنا جمال البحراوى بصدق كلامي
************
**********
******
اتمنى انها تنال بجد اعجابكم
جمال البحراوى
ساحر فى عالم الكلام
هذا الكلام خاص بى وليس للنقل