سلسه يوميات شاب مصرى(اليوم السادس)مش تعزم يا احمد خطيبتك على العشى تانى

السلام عليكم ورحمة الله وبركاته
ازيك يا احمد
عامل ايه يا جميل


اهلا بيك فى يوم جديد من يوميات شاب مصرى
بس انهرده يوم مختلف
يوم هقولك فيه يا احمد نصيحه ليك
ولك الشباب المصرى
مش تعزم خطيبتك على العشى تانى
علشان مش يحصل ليك يا احمد زى اللى حصل لمحمديين
مين محمدين ده ????????
ده واحد صحبى متعرفوش








في يــوم من الأيــام

قرر "محمديين" إنه يعزم "خطيبته" على االعشى وياريته ما عمل كده

لإن البنت دى مش عاجبها العجب ولا الصيام فى رجب زى مابيقولو
شوفوا الحوار واحكم يا محمود الاسكندرانى بنفسك


"هو": تطلبي إيه؟

"هيا": مش عارفة إنت هاتطلب إيه؟

"هو" : أنا هاطلب بيتزا

"هيا": ماشي ، وأنا كمان

"هو": طيب

"هيا": ولا أقولك ، بلاش

"هو": ليه عاوزه حاجة تانية

"هيا": لأ ، مش عارفه

"هو": انتي جعانة

"هيا": إممم ، مش عارفه

"هو": يعني إيه مش عارفة ، أكيد الواحد بيعرف هو جعان ولا لأ

"هيا": نص نص

"هو": يعني أطلبلك معايا

"هيا": لأ

"هو": خلاص

"هيا": ولا أقولك ، يمكن أجوع كمان شوية

"هو": خلاص هاطلبلك وعقبال ما يجي الأكل تكوني جوعتي

"هيا": طيب أفرض لما يجي الأكل أكون لسه ما جوعتش!

"هو": خلاص ، خلي الأكل قدامك ولما تجوعي إبقي كلي

"هيا": ما كده الأكل هايبرد

"هو": خلاص نطلب أكل تاني

"هيا": بس كده يبقى تبذير

"هو": نبقى نأخد الاكل البارد معانا تيك أواي ونبقى نأكله بعدين

"هيا": طيب إفرض ما كانش ليا نفس للبيتزا بعدين

"هو": خلاص أكلها أنا

"هيا": وأنا ما أكلش

"هو": جننتيني ، يعني اطلبلك ولا بلاش

"هيا": بلاش احسن

"هو": خلاص أنا هاطلب لنفسي علشان انا جعت جدا

"هيا": ماشي


"هيا": بس أطلب بيتزا بالتونة
"هو": بس أنا مابحبش البيتزا بالتونة

"هيا": بس أنا بحبها

"هو": بس أنا إللى هاكلها

"هيا": ما يمكن على ما ييجي الأكل أكون جعت وأكل معاك

"هو": هو أنتي عاوزة تأكلي ولا لأ

"هيا": إحتمال

"هو": يعني أنا لازم أطلب بيتزا بالتونة علشان إنتي (إحتمال) تأكلي معايا

"هيا": أيوه بالظبط

"هو": طيب لو أنتي جوعتي وأكلتي البيتزا بتاعتي أنا هاكل إيه؟

"هيا": ما انا ممكن ما أكلش أصلا معاك

"هو": رحمتك يا رب

"هيا": مالك فيه إيه ؟؟

"هو": يعني دلوقتي لو أنتي ما أكلتيش ، أنا هاكل بيتزا مش بحبها

"هيا": يعني أنت تاكل و أنا ما أكلش؟!!!




دلوقتى بعد ما شوفت الحوار ده
هتعزم خطيبتك على العشى تانى
وعندى ليك يا احمد سؤال
لو دى خطيبتك
هتعمل ايه ؟؟؟؟؟؟؟؟؟؟؟؟

هقولة الله يكون ف عونك يا محمدين

وبجد لو دى خطبتى كنت طلبت بيتزا بالتونة ورمتها ف وشها

ههههههههههههههههههههههههه جامد يا ماووووو

ههههههههههههههه لاء دى بجد تخنق اووووووووى فظيعة

عندك حق يا مان

هههههههههههههههههه لا بجد انته تقوم تولع فيها ايه البرود ده