البت سابتك وحبت واحد غيرك ... ولع فيها

مساء الهنا على كل اعضاء بص بقى ياعباس
مين عباس داه؟؟؟
انا يعنى عارف ان اسمك مش عباس بس انا لسه هنادى كل واحد باسمه خليك معايا واقرا وخلاص
بص ياعباس
احنا بقالنا أد ايه مع بعض؟؟؟؟؟
بقالنا 3 سنين ياحبيبتى
طب يعنى مزهقتش منى
اناعمرى مازهق منك ياعمرى
طب انا من الاخر زهقت منك يا اخى اوف ايه داه دانت خنيق قوى ماتحل عن سمايا بقى خلينى
اشوف نفسى وبصراحه فيه واحد تانى بيشاغلنى وبدا فعلا يشغل عقلى
واحد تانى؟؟؟؟
ازاى ؟؟؟؟
ومين هو داه؟؟
ياااااااااه هنت عليكى وهان عليكى حب السنين دى كلها؟؟؟؟
بصراحه اه بقى هنت عليا ويلا بقى ياعم اخلع وسلملى على الحب
حد حصل معاه كدا قبل كدا ؟؟؟حتى لو مش بالظبط يعنى ؟؟يعنى اقصد حد البنت اللى بيحبها اداته الاشاره الخضراوفلسعته
عادى ياعمنا مافيهاش حاجه بتحصل بين أحسن الحبيبه...بتبقى انت قاعد فى امان الله لابيك ولا عليك وتيجى الاموره قايلالك وداع ياعمرى
مستغرب ليه انت يعنى كنت فاكر نفسك هانى سلامه ولا مصطفى شعبان
حتى دول ممكن يحصل معاهم كدا
غدرالستات مالهشى حسابات
ماتخلينا نقصر وتريحنى وتقول حصل خلينا نكمل
ايوووووووون برافو عليك انت كدا زى العسل
بص بقى ياسيدى
لتر جاز وعلبه كبريت لتر الجاز هاتجيبه من عند البقال عادى سهل تجيبه ان مالقتشى روح البنزينه
مش هايكلفك حاجه هو نص جنيه كبيره خالص 75قرش
وعلبه كبريت بشلن من اى مكان
دى بقى ياباشا كل المعدات الازمه حاجه كدا كبيرها جنيه
الخطوات
لتر الجاز اقسمه على اتنين جركن عاليمين فيه نص لتر وجركن على الشمال فيه النص التانى
حلوكدا؟؟؟؟؟؟
والكبريت فى جيبك طبعا
انت كدا جاهز ؟؟؟
اوك يلا بقى نبدأ
خد اللتر الاولانى فى ايدك وانزل والتانى بارضه مش هايبقو تقال عليك ماتخافش وروح على بيت الاموره اللى عورتك فى قلبك
اقف على باب البيت
موبايلك فى جيبك زى العاده
رنلها بقى يامعلم رنه صغيره واوعى تخليها تفتح عليك لو نفضتلك وماتصلتش هيا بيك ابعتلها كول مى اوعى تغرم نفسك حاجه
نفضتلك برضه وماكلمتكش معلش تعالى على نفسك وارميلها دقيقه مع انه خساره فى جتتها
كلمها وقلها عايز اشوفك لاخر مره فى حياتى
هاديكى حاجه غاليه كنتى ناسياهاعندى
هاتنزلك جرى طالما حاجه غاليه (أصلهم ماديين أوووى)
تيجى سيادتك اول ماتشوفها رامى عليها الجاز وعود كبريت من العلبه ومولع فيها
وتسيبها وتمشى خطوتين وتيجى باصصلهاوهيا بتولع وبنظره المنتقم وقول
انتى اللى جنيتى على نفسك ياحفيظه وما جنيت على احد
كدا المهمه الاولى
خد بعضك جرى على بيت المحروس اللى خد حبيبتك منك وابعتله عيل صغير من العيال اللى بيلعبو فى الشارع وقوله قول لحكشه كلم سمير
مين سمير دا ياخويا؟؟؟؟؟؟؟؟؟؟
ياعم افهم بقى حكشه داالضحيه رقم اتنين وسمير دا اسم سيادتك فى الفيلم
ماتتخنش مخك وخليك معايا خلينانخلص
هايجى حكشه نازل جرى تيجى سيادتك بنص اللتر الفاضل ومقابله فى وشه ورميه عليه
وبعود الكبريت ومناوله ومولع فيه
وتيجى ماشى خطوتين وباصصله وهوبيولع بنظره المنتقم بارضه وقايله سلملى على صحبتك ياحوكشه
استنى
اهم حاجه الكلام دا كله يبقى بين المغرب والعشا علشان الناس تكون بتتعشى ولا بيتفرجو على المسلسلات ومسطولين وماحدش يشوف حاجه
وعلشان تلحق تجرى وتوصل لبيتكو من غير ماحد يقفشك
هاتوصل بيتكو تلاقى البوليس مستنيك هاياخدوك ياحلو وان شاء الله ان شاءالله من غير مقاطعه هاتاخد اعدام للقتل العمد مع سبق الاصراروالترصد
امال انت كنت فاكر ايه
ايه يابنى الهبل ده؟؟؟؟؟ ايه السذاجه دى عايز تحبس نفسك؟؟؟؟عايز تودى نفسك فى داهيه علشان واحده ماتستاهلش
ياعم اعقل كدا وطول بالك
بص ياسيدى
الحكايه بسيطه خالص وباتكلم بجد والله ياشباب
البنت اللى ساكنه جانبيكو بنت زى القمر وعارفها وعارفاك
بلاش البنت اللى جنبكو أى بنت معاك فى الكليه
اهى ملاينه بنات زى القمرات
نقى بنت تكون حلوه حلوه يعنى مافيهاش غلطه زى مابيقولوغازلها
وغلس عليها دايقها اخنقها اوعى تقتلها باين عليك غاوى دم وهاتتعبنى معاك
ياعم اخنقها يعنى كرهها فى عيشتها بس مش قوى يعنى حاجه زى لفت نظر بس
شويه شويه ياتسيب الكليه خالص علشان ترتاح من رخامه حضرتك ياتطب فيك يامعلم واقلب رومانسى بقى عند الحته دى وانزل بالطبل البلدى والكلام الناعم على ودانها وكلمات أغانى حليم وتامر حسنى وابعد عن شعبولا
خلاص يامعلم طبت فيك
بالهناوالشفا وادعى لاخوك الغلبان
وهاتنسى اللى باعتك من غير هم ولا وجع قلب
ماهو مابينسيش الحب القديم غير حب جديد
دى وصفه مجربه واراهنك ان فكرت أو حنيت للحب القديم تانى
ولو حصل وعملت معاك زى القديمه ماعملت
ولا تزعل نفسك عااااااااادى خالص
حب تالت ورابع وخامس لغايه اما ربنا يفرجهاعليك وتتجوز
واديك عرفت السكه وانسى جرحك وماتزعلش عاللى فات

وهيا الخسرانه فى النهايه
البنات اللى معانا مايزعلوش
انتو كمان ليه الحزن والزعل على انسان مايستاهلشى حبك انسيه بحب جديد
الف مين يتمنى اشاره من قلبك
صدقونى ياشباب اللى خان او فارق مايستاهلشى البكا عليه
اتمنالكو حياه سعيده مليانه حب فى حب
مع تحياتى وحبى للجميع

عندك حق والله يا احمد الى خان ميستهلش اى دمعة من اى حد

شكرا على مرورك الزوزو
نورت الموضوع

الخيانه اصعب شئ فى الدنيا

اسكندرانى

نورت الموضوع يا باشا

تسلم ايدك يا احمد واقولك حاجه مش كل البنات بتعمل كده دى بس شويه صغيرين فى بنات محترمين اوى

اكيد فى بنات محترمين دودو
وميرسى على مرورك
نورتينى

علي كده اعدام كاااااااااااااام مرة؟؟؟؟؟؟؟؟؟؟؟؟؟؟؟؟
اللي تسيبك سيبها من غير لا كبريت ولا جاز
والخاين سهل اوي يتنسي ...........

ميرسى على مرورك

» كل واحد لى واحد
» حوار مع واحد مسطول